Isang Overseas Filipino Worker (OFW) ang natagpuang wala nang buhay matapos tumalon mula sa ika-walong palapag ng tinitirhang bahay sa Farwaniya, Kuwait. Pinaniniwalaang nakaranas ito ng labis na lungkot matapos magkaroon ng sintomas ng COVID-19.
Si Elmer Chen Biag ay nagtrabaho bilang food company crew sa loob ng sampung taon. Ayon sa ulat ni Bombo International Correspondent Oliver Diong, tinuturing na depresyon ang rason kung bakit nagpakamatay ang biktima.
Imahe mula sa Facebook
Sinasabing may tinulungan daw si Biag na kapwa OFW na dinala niya sa ospital. Kalaunan ito pala ay positibo sa COVID-19.
Makalipas ang dalawa o tatlong araw ay nakaranas na din umano ng sintomas si Biag ng COVID-19. Bago dinala sa ospital ay nakatawag pa daw ito sa kanyang pamilya sa Pilipinas.
Ang sabi pa ni Diong, maari ding problema sa trabaho ang naging sanhi ng pagpapakamatay ng OFW dahil dalawa o tatlong buwan na daw itong walang sahod simula nung pumutok ang problema sa COVID-19. Si Biag ay may dalawang anak at asawa na umaasa sa kanya sa Pilipinas.
Si Biag ay isang aktibong community leader sa Kuwait at magaling itong magbigay ng payo sa kanyang mga kapwa Pinoy.
Imahe mula sa Youtube
Sa katunayan siya pa ang gumanap bilang Dr.Jose Rizal noong pinagdiriwang ang Araw ng kalayaan sa bansang Kuwait taong 2016.Panoorin ang kanyang video .
Ang resulta ng test na isinagawa kay Biag ay kasalukuyang hinihintay pa lamang. Ayon sa protocol na sinusunod sa Kuwait, ang mga namatay na positibo sa COVID-19 ay hindi maaaring i-travel pabalik sa pinanggalingang bansa.
Ang Filipino Community sa Kuwait ay nagdadasal na sana ay negatibo ang resulta ng COVID-19 test kay Biag para sakali ay maiuwi ang kanyang mga labi sa Pilipinas at makapiling siya ng kanyang mga mahal sa buhay sa huling sandali.
Ang kanyang mga kaibigan ay lubos na nagdadalamhati at nagulat sa nangyari sa kanya. Nasa baba ang kanilang mga mensahe.
Para sa mga kabayan, kailangan lang po na maging matatag tayo lalo na po sa panahon ngayon, lagi pong magdasal at subukang makipag usap sa mga kakilala para maiwasan ang depression.
Mula sa Bombo Radyo Ilo Ilo
Evelyn
REST IN PEACE AT CONDOLENCE SA PAMILYA ?????
Jenny sesgundo
Kahit ako minsan nakakaisip na din ng hindi maganda, dahil sa problema at depression.. minsan naiisip ko na ding magpakamatay.. pero awa ng diyos nalalabanan ko naman lahat… iniisip ko na lang ang mga naiwan ko sa pinas, yung mga anak ko. paano na lang kong wala na ako, sino mag suporta sa kanila lalo na’t single parent ako.. at wala naman ako maasahan sa tatay ng mga anak ko… kaya hanggang ngayon eto ako patuloy na lumalaban,bumabangon sa lahat ng pag subok… alam ko hindi solusyon ang pag papakamatay para lang matapos ang problema.. lahat ng pasakit ay may kapalit,
Kaya pinapanalangin ko na sana matapos na ang epidimya sa buong bansa…
Laban lang tayo mga ka OFW…
Kaya naten yan wag papadala sa depression o stress wala tayong mapala kong sayangin lang natin ang buhay…
Grace Moore
YOU MAY REST IN PEACE KABAYAN
AND CONDOLENCES SA FAMILY
I PRAY NA SANA MAKAUWI KANA SA ATIN, PARA MAKAPILING MO ANG BUONG PAMILYA MO AT NANG MAKITA KA AT MAKAPILING SA HULING SANDALI…..